Ég heiti Heiðdís Buzgò og er teiknari og grafískur hönnuður frá Íslandi, búsett á Spáni.

​

Ég útskrifaðirs með fornámspróf úr Myndlistaskólanum í Reykjavík árið 2017 og með diplómu og starfsréttindi sem grafískur hönnuður í Myndlistaskólanum á Akureyri 2023. En núna er ég að taka mastersgráðu í hugmyndateikningu (2D concept illustration) í Universal Arts School í Valencia á Spáni.

​

​

​

Eins og oft gerist þá kom áhugi minn á mynslist fljótt í ljós þegar ég var lítil þar sem ég gat setið og teiknað tímunum saman. Það sem hafði mest áhrif á listsköpun mína þegar ég var yngri voru teiknimyndir og myndabækur þar sem ég gat upplifað allt það sem raunveruleikinn gat ekki skapað.

 

Þegar ég var yngri átti ég mjög erfitt með lestur en samt sem áður sóttist ég í sögur og frásagnir og þá helst þær sem ekki gerðust í raunheimum og maður gat skroppið frá hversdagsleikanum og týnt sér einhverstaðar annarsstaðar. Heimur skáldsagnanna var besti staðurinn til að vera á þar sem allt gat skeð og tíminn týndist.

​

Þetta líklega leiddi til þess að ég sótti í efni sem kom skilaboðum og sögum vel áleiðis án þess að þurfa endilega að nota svo mikið ritaðan texta. Frásagnir í myndum. Ég held í dag enn mikið upp á frásagnir í myndum í afþregingarheimi sem fer sístækkandi (Bækur, kvikmyndir, teiknimyndir, myndasögur, tölvuleikir o.fl.) og ég held að gott myndlæsi sé jafn hollt fyrir okkur ein og gott bóklæsi. Þetta kemur allt frá sömu uppsprettunni.

​

Ég rúi því að öll frásagnahefð sé mjög rótgróin í okkur öllum, hún gerir okkur mennsk og með henni getum við útskýrt fyrir okkur heiminn og okkur sjálf. Við notum frásagnir í nánast öllu sem við njótum og gerum og endurspegla allar okkar víddir og möguleika.

​

Margir segja að augun séu mikilvægasta skinfærið okkar og ég trúi að öllum frásögnum meigi lyfta upp á hærra plan með góðri myndrænni túlkun og þannig ná til fleira fólks. Ein mynd meira en þúsund orð. Góð myndræn túlkun getur gert bragðlausar upplýsingar að stórkostlegu ævintýri með því að segja það sem orðin okkar aldrei gætu og ná mannlegri tenginu við annað fólk.

​

​

​

Vegferð listamannsins er löng og margslungin. Það má alltaf skapa meira og gera betur og læra eitthvað nýtt. Listsköpun snýst aldrei um leiðarendann heldur um vegferðina sjálfa, að njóta augnabliksins, vaxa og þroskast alla ævi og deila því öllu með öðrum í kring um sig.

​

Ég er þakklát fyrir þann tilgang að fá að gera heiminn fjölbreyttari og áhugaverðari, að fá að skapa og miðla og stækka veröldina.